Lirik Lagu Matapoe - Abiel Jatnika

Kamis, 11 November 2021

Matapoé rék ngampih

Tanda rék salin wanci

Beurang rék naleukeum kapeuting

Cihcir tongérét récét

Ngahudang balilu

Lalewang...

Laun-laun kapiati

Cukang lantaran mah éta

Sumélékét dina jero haté

Pikir ngahudang brangta

Kahayang biheung laksana

Honcéwang haté lalewang

Sakapeung di pikir peurih

Raga lir keuna ku peurah

Anjeun nyieuhkeun harepan

Sanajan tacan pataréma ucap

Sok komo bari ngaréka tresna

Bet teu kuat manggihan imut

Teu karasa haté kapincut

Lalanjung wuyung gandrung

Sakitu laut reujeung ombakna

Teu eureun-eureun méré gugupay

Ngogo tetepan

Naha anjeun bet kajongjonan

Geura tampi kaasih diri

Urang ngogokeun kasono

Mepéndé haté

Dina méga pangluhurna

*********************************************************

Pemberitahuan/Notice: Situs blog ini tidak menyediakan Download Mp3. Dan lirik lagu ini sepenuhnya hak cipta pemiliknya seperti penulis, artis, dan label yang bersangkutan.